„Лидл“ вложува 21 милион евра во модернизација на продавниците

Германскиот трговец „Лидл“ вложува 21 милион евра во својата продажна мрежа во Португалија, зголемувајќи ја својата посветеност во тој регион. 

Новиот инвестициски циклус првично е наменет за модернизација на пет продавници. „Лидл“ - Португалија одлучи да ја модернизира својата мрежа за да обезбеди поголема близина до потрошувачите, како и полесен пристап до производите и услугите.

Освен што нуди модерно искуство при купувањето, трговецот осигурува и постојано вработување во продавниците со договори на неопределено време.

Продавниците располагаат со продажна површина меѓу 1.100 и 1.400 квадратни метри, а реновирани се во согласност со најсовремените еколошки стандарди. Во одделот за овошје и зеленчук, трговецот во реновираните продавници постави апарат за сокови од портокал. Некои продавници имаат имаат и оддел за печење пилиња, каде производите се подготвуваат, сечат и се пакуваат како оброк.