Данска: „Лидл“ ќе продава и непрехранбени производи

Трговскиот синџир „Лидл“ во Данска ќе покрене продажба на непрехранбени производи до 2023 година. 

Ова беше соопштено на отворањето на ново модерно складиште на 35 километри од Копенхаген. 

Во почетокот на 2023 година онлајн ќе почнеме да продаваме непрехранбени производи. Овој чекор е голема промена во нашето работење, тоа ќе биде голема инвестиција за компанијата и нешто што ќе не разликува од конкуренцијата, соопштија од „Лидл“ - Данска.  

Во онлајн понудата ќе бидат околу 2.000 постојани производи. Со сезонските производи, продажбата ќе достигне бројка од 10.000 артикли. Исто така, ќе биде овозможена и достава до дома.