„Гебрудер Вајс“ го зголемува присуството во Германија

Од октомври, „Гебрудер Вајс“ ќе отвори нова локација во Штраубинг, Германија, од каде ќе нуди целосни логистички услуги. 

Со тоа, компанијата дополнително напредува во консолидацијата на својата мрежа копнен транспорт ширум јужна Германија. Објектот во Штраубинг, баварскиот трговски центар, ќе биде сместен на простор од 45.000 метри квадратни, во склоп на индустриски парк. Планот е оваа локација да прерасне во главно упориште на транспортната копнена мрежа во јужна Германија, овозможувајќи им на регионалните компании пристап до комплетното портфолио на „Гебрудер Вајс“. 

Наскоро, компанијата ќе објави огласи за 60 - 80 работни места од сите области на шпедитерското работење. Долгорочно се предвидени 120 нови работни позиции.