Наскоро и морски плодови од лабораторија

Британската корпорација „Номад фудс“ најави дека во соработка со американската компанија „Блу налу“ развива производство на морски плодови во лаботраториски услови.

Од „Номад фудс“ најавуваат дела целта е комерцијализација на лабораториски одгледуваните морски плодови за да се задоволи растечката побарувачка, а притоа, долгорочно да се зачуваат природните живеалишта на рибите.

„Номад фудс“ и „Блу налу“ ќе соработуваат за истражување на пазарот и анализа на навиките на потрошувачите. Двете компании ќе настојуваат да проценат што е потребно за да добијат одобрување од надлежните регулаторни тела за производите, но ќе истражуваат и нови деловни и производствени можности за европскиот пазар.

Европа е најголемиот увозник на морски плодови во светот, се наведува во извештајот на Европската Унија за „сината економија“, која се однесува на заштитата на морската средина.