Нови ознаки за рециклирање на пакувањата

Во Велика Британија беа лансирани нови ознаки на пакувањата, со кои полесно ќе се убедат потрошувачите да ги надополнуваат или да ги враќаат амбалажите во маркетите.

Новите етикети се поддржани од сите поголеми трговци и доставувачи.

Шемата за рециклирање е развиена со помош на Универзитетот „Шефилд“ и има цел да даде значителен придонес во војната против пластиката. Постојат три варијанти на етикетата: „Врати го на полнење“, „Надополни го во продавница“ и „ Надополни го дома“. Унифицираните етикети имаат цел да им овозможат на потрошувачите полесно да разберат што да прават со амбалажата и да донесат посвесни одлуки.