Мини-продавници без персонал

Подружницата на „Реве“, „Била“, ја отвори продавницата „Била регионал бокс“ во Австрија.

Станува збор за многу мала продавница без персонал, на продажна површина од 11 квадратни метри. Мини-продавницата е со асортиман од околу 200 артикли и, засега, е наменета за потрошувачите од руралните области кои имаат помалку можности за купување во близина.

Продавницата е всушност контејнер, во кој се поставени едноставни дрвени полици. На купувачот не му е потребна апликација за да влезе во продавницата. Во објектот може да се влезе само поединечно. Отворен е во текот на целиот ден, а купувачот сам ги скенира производите на касата. Плаќањето може да се изврши во готово, преку картичка и преку паметен телефон. Фокусот е на производите од регионалните и локалните доставувачи.

Други трговци во Австрија што веќе отворија продавници без персонал се: „Тегут“, „Едека“, „Зидвест“ и „Мигрос“.