„Унилевер“ со благ пад на приходите

Британско-холандскиот производител на стоки за широка потрошувачка – „Унилевер“, забележа пад на приходите од продажба во третиот квартал годинава.

Сепак, како што соопштуваат од компанијата, потрошувачите продолжиле во голема мера да купуваат производи за одржување на домот и на домаќинството.

Приходите во третиот квартал од 2020 година изнесуваа 12,9 милијарди евра, што претставува пад за 2,4 отсто на годишно ниво. Падот се припишува на флуктуацијата на валутата, што негативно влијаело врз резултатите.