Актуелно
Велика Британија: „Лидл“ победува со својата стратегија на „лебификација“
19 Jun 2024
Британските супермаркети се критикувани поради наводниот погрешен маркетинг во нивните пекарски одделенија, а стратегијата на германскиот синџир дисконти „Лидл“ може индиректно да биде виновна. Германскиот синџир дисконти го комбинира својот асортиман на пекарници со програмата за лојалност Lidl Plus за да привлече потрошувачи.
Пишува: Себастијан Ренак, меѓународен аналитичар за малопродажба
Сојузот за подобра храна и земјоделство Sustain од Велика Британија поднесе жалби против „Теско“, „Сеинсберис“, „Морисонс“, „Кооп“ и „Лидл“ до неколку локални трговски тела. Здружението тврди дека трговците го злоупотребиле тврдењето „свежо печено“ на пакувањето на производите и материјалите на продажните места. Наместо пекарите да прават тесто од основни состојки, според Sustain, повеќето трговци користат т.н bread tanning salons, кои печат претходно пакувани смрзнати производи збогатени со средства за раст и други адитиви.
Притисокот на цените во оваа категорија ги принудува големите трговци да ја преиспитаат својата стратегија за печење во продавниците. „Сеинсберис“, вториот по големина национален трговец, неодамна објави дека ќе ги затвори своите пекарници со целосен циклус и ќе се префрли на модел за печење, повикувајќи се на побарувачката на потрошувачите за достапност. Пекарското тесто во продавницата ќе се прави „на друго место“. Лидерите на пазарот „Теско“ и „Кооп“ дадоа слични изјави.
Германскиот синџир дисконти „Лидл“ ги става британските трговци во тешка ситуација. Според податоците на пазарниот истражувач „Кантар“ од април оваа година, „Лидл“ го престигна лидерот на пазарот „Теско“ по удел, што се однесува до пекарскиот дел во продавниците. Во првиот квартал уделот на „Лидл“ изнесуваше 18,2%, додека „Теско“ беше на второ место со 18% и „Сеинсберис“ на трето со 13,7%.
Одделите за пекарски производи во продавниците се во срцето на комерцијалниот пристап на синџирот дисконти. По првичната инвестиција, „Лидл“ го користи својот голем асортиман со фокус на слатки и солени производи, повеќекратно печење во текот на денот и ниски цени за да привлече потрошувачи.
Податоците од „Кантар“ во мај покажуваат дека „Лидл“ во Велика Британија успеа да ја зголеми продажбата во нивните пекарници за повеќе од 40% во период од 12 недели, комбинирајќи ги понудите со ваучери за својата програма за лојалност Lidl Plus. Истражувачите откриле дека четвртина од кошниците на купувачите содржеле леб, слатки и солени печива од пекарниците.
Стратегијата на „Лидл“ за „лебификација“ е меѓународен стандард. Од една страна, трговецот може да набави длабоко смрзнато тесто од големата пекарница на својата матична компанија „Шварц груп“ во Германија. Вертикалната интеграција му овозможува на синџирот на дисконти да работи со најниски трошоци, што ја прави сомнителна профитабилноста од почнувањето на истиот пекарски систем од неговите конкуренти.
Од друга страна, „Лидл“ го оптимизираше технолошкиот процес до степен до кој може да реагира побрзо од традиционалните пекарници. Времето за печење на печивата е помалку од десет минути, за лебот околу дваесет минути. Во исто време, технолошката еволуција помогна да се поедностават рецептите на производите, така што бројот на програми за печење - релевантни за трошоците за енергија и работна сила - е намален во последниве години.
На крајот, трендот на пазарот кон погодност и сегашниот силен фокус на цената може да го забрза падот на традиционалното печење. Додека Sustain има за цел да ја подигне свеста за поздравите опции за храна, потрошувачите сè уште не ја ценат разликата меѓу традиционалниот циклус на печење „ладно растење“ и брзата патека управувана од технологијата, барем не во ситуации кога изборот е направен според цената на производот. Без разлика дали финалниот производ го заслужува терминот „свеж“, печивата и лебот печен неколку пати на ден изгледа ја добиваат довербата на потрошувачите, додека самиот начин на подготовка е од второстепена важност.
Фото: Одделот за пекарски производи на „Лидл“ е во сржта на нејзината комерцијална стратегија
Себастијан Ренак е основач на „Алетос ритеил адвајсори“, меѓународен аналитичар и поранешен меѓународен дописник на Lebensmittel Zeitung (LZ), водечки економски неделник за FMCG–секторот. Има големо практично искуство во индустријата како поранешен член на оперативните тимови на „Шварц груп“ и „Метро груп“ во Полска, Украина и Русија.
@InStore.mk
Крадењето авторски текстови е казниво со закон. Преземањето авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Се вчитува следна вест...
Најчитано
НОВ БРОЈ НА INSTORE И ВОДИЧ НИЗ КАТЕГОРИЈА
Август 2024 / MUST HAVE БРЕНДОВИ НА ПОЛИЦА 2023/2024
MUST HAVE БРЕНДОВИ НА ПОЛИЦА 2023/2024Мапа на трговци 2024, Мапа на дистрибутери 2024
Мапа на трговци 2024, Мапа на дистрибутери 2024