Словенија: „Меркатор“ на љубителите на кошарката им нуди бесплатно кафе

Трговскиот синџир „Меркатор“ во рамките на акцијата „Минута за легендите“ обезбеди бесплатно кафе за корисниците на апликацијата „Мој М“ на повеќе од 77 локации низ Словенија.

 Имено, по повод натпреварот помеѓу Далас Маверикс и Лос Анџелес Лејкерс, компанијата обезбеди бесплатно кафе за сите љубители на кошарката и корисници на апликацијата „Moj M“ кои останаа будни до доцна да го следат натпреварот. Ова е прв натпревар по трансферот на словенечкиот кошаркар Лука Дончиќ од Тексас во калифорниската франшиза.

Секоја минута е важна, на теренот и во животот. Горди сме што можеме да продолжиме да ги поддржуваме нашите потрошувачи со ваквите активации и да им помогнеме да го започнат денот на најдобар можен начин, напиша компанијата на својот профил на „Линкедин“.

„Меркатор“ од 1 до 22 февруари лансираше специјална активација за корисниците на мобилната апликација „Moj M“. Како дел од активацијата, потрошувачите имаа можност да освојат дополнителни „Пика“ поени со купување на одредени производи од палетата Minute. Асортиманот вклучува повеќе од 50 производи, вклучувајќи кафе, замрзнати и готови оброци, сендвичи, салати, сокови и други производи.

Компанијата неодамна отвори и нов „Меркатор минут“ во Љубљана, на Госпосведска цеста 13. Продавницата, која се простира на површина од 325 квадратни метри, им нуди на потрошувачите широк асортиман на производи, вклучувајќи овошје и зеленчук и пекарски производи и готови оброци како што се тортиљи, салати, сендвичи и пијалаци.

Извор/Фото: „Меркатор“/Linkedin