Како да го таргетирате глобалниот потрошувач?

Во 2024 година глобалната база на потрошувачи надмина осум милијарди...

Пишува: Јана Руд, сениор менаџер за анализа на потрошувачи, „Еуромонитор интернационал“

Имајќи предвид дека секој потрошувач од огромната глобална база има уникатни преференции, станува јасно колку за развој на бизнисот е од суштинско значење да се разберат и идентификуваат сегментите потрошувачи со заеднички особини. „Еуромонитор интернационал“ идентификува седум типа потрошувачи, кои ќе им овозможат на бизнисите да ги усовршат стратегиите и да се усогласат со тековните потрошувачки вредности, приоритети и преференции. Во продолжение ги анализираме трите најголеми типа– велнес-ентузијасти, бренд-шампиони и поврзани купувачи.

1. Велнес-ентузијасти

Профил на однесување Велнес-ентузијастите проактивно ги следат производите, услугите, информациите и практиките што ја подобруваат нивната севкупна благосостојба. Велнесот е меѓу првите пет најбрзорастечки трендови во изминатите пет години, кој се очекува да продолжи и во следната деценија, а велнес-ентузијастите се тие што го следат ова движење. Иако е очекувана доминацијата на индустријата за здрава храна и пијалаци во тековниот велнес-тренд, сепак, неговата иднина е повеќеслојна. Велнес-ентузијастите ги перципираат физичките, менталните и емоционалните потреби како меѓусебно поврзани, што подразбира холистички решенија. На пример, според истражувањето „Voice of the Consumer: Lifestyles Survey“ (јануари/февруари 2024 година), 45,4% од велнес-ентузијастите се вклучени во активности за намалување на стресот на неделно ниво, а 18,5% за истата цел користат други различни пристапи – физичка активност, масажа и хербални  лекови.

Истражувањето „Voice of the Consumer: Lifestyles Survey“ за 2024 година, исто така, покажа дека 58,8% од велнес-енту- зијастите бараат приспособени и персо нализирани опции. На пример, брендовите за женското здравје имаат голема потенцијална можност. Брендовите што се фокусираат на холистички решенија, кои се однесуваат и на физичките и на психолошките аспекти (на пример, грижите поврзани со возраста и одржување на тежината) се добро позиционирани за да го привлечат интересот на мултимилионскиот глобален пазар на женски велнес-ентузијасти. Препораки за бизнисот Холистичките здравствени решенија се најдобриот начин за градење партнерства со велнес-ентузијастите. Овие потрошувачи активно бараат холистичка благосостојба – декларациите за здравје и за благосостојба може да го освојат нивниот интерес од прва, но за да се одржи долгорочниот ангажман, неопходни се меѓусебно поврзани и персонализирани решенија. Усогласувајќи се со стремежот за холистичка благосостојба, бизнисите можат да ги задоволат потребите не само на велнес-ентузијастите, туку и на пошироката популација заинтересирана за благосостојба. Со оглед на тоа што преференциите на велнес-ентузијастите обезбедуваат вредни сознанија за идните трендови на пазарот, нивното исполнување ги позиционира бизнисите како идни лидери на пазарот, ја подобрува лојалноста на купувачите и поттикнува постојан пораст.

2. Бренд-шампиони

Профил на однесување

Бренд-шампионите ги претпочитаат брендираните производи – тие се во активна интеракција со брендовите и уживаат да влијаат врз иновациите. Бараат многу повеќе од трансакциски добивки – ја вреднуваат емоционалната лојалност и поттикнуваат силни и трајни врски. Потенцирањето на персонализацијата, давањето моќ на потрошувачите и припадноста кон заедницата ја зајакнуваат нивната приврзаност со

брендот, што не треба да се занемари. Според истражувањето „Voice of the Consumer: Lifestyles Survey“ (јануари/февруари 2024 година), 80,1% од бренд-шампионите сакаат производи и услуги приспособени на нивниот вкус, што е највисок процент меѓу сите типови потрошувачи. Бренд-шампионите се гласни за сопствените потреби и активно даваат повратни информации за производите што ги користат. Овие повратни информации им помагаат на брендовите да се усогласат со преференциите на потрошувачите. Давањето моќ на бренд-шампионите ги прави да се чувствуваат признати и влијателни. Со оглед на тоа што 90,8% од нив се ангажираат за брендовите и влијаат врз иновациите на производите, атрактивни за нив се практиките за кокреирање во развојот на производите и стратешкото планирање. Автентичното раскажување приказни е моќна стратегија, која е во согласност со стремежот на бренд-шампионите за чувството на припадност кон заедницата. Одредени брендови како Coca-Cola, кој ја нагласува темата на единството, Nike, препознатлив по вредноста на решителноста и Patagonia, познат по посветеноста на одржливоста, успешно ја искористија стратегијата за раскажување приказни за да формираат круг на истомисленици. Препораки за бизнисот Емоционалната лојалност создава силна врска меѓу бренд-шампионите и бизнисите. Овој однос им дава моќ на потрошувачите, овозможувајќи им да влијаат врз корпоративните стратегии и да ги изразат своите преференции. Истовремено, бизнисите имаат корист и можат да ги заштитат корпоративните стратегии за иднината преку навремени повратни информации и иновации поттикнати од потрошувачите.

3. Поврзани купувачи

Профил на однесување

Поврзаните купувачи често користат различни форми на технологија (дигитални и електронски) за навигација, интеракција и донесување информирани одлуки за купување. Четворица од пет од поврзаните купувачи велат дека би биле изгубени без интернет, но сепак, поголемиот дел од нив сè уште ги претпочитаат искуствата од реалниот свет наместо виртуелните. Стратегијата за „фигитална“ (физичка + дигитална) реалност, која создава онлајн-искуства што ги реплицираат интеракциите во продавницата преку директен ангажман, персонализирани препораки и виртуелни проби, ефикасно ги таргетира овие потрошувачи. Брендовите што ги користат настаните во живо и директното купување преку социјалните платформи ефикасно ги активираат поврзаните купувачи, имитирајќи директен ангажман во продавницата. Според истражувањето „Voice of the Consumer: Lifestyles Survey“ (јануари/ февруари 2024 година), 40,3% од поврзаните купувачи ги користат социјалните медиуми како платформи за купување. Алатките базирани на вештачка интелигенција, вклучувајќи персонализирани препораки и чет-ботови во реално време, исто така ги привлекуваатповрзаните купувачи. Со оглед на тоа што секој петти купувач претпочита купување во продавница поради советите од продавачот, онлајн-реплицирањето на персонализираните искуства ги зголемува задоволството и лојалноста. Имајќи го предвид податокот дека 34% од поврзаните купувачи користат аугментирана реалност за да го подобрат купувањето, виртуелното пробување производи (на пример, облека) е клучна стратегија за преминување кон „фигитален“ пристап. Аугментираната реалност обезбедува извонредно интерактивно искуство, што ја отсликува физичката купувачка активност.

Препораки за бизнисот

И покрај дигиталните вештини, поврзаните купувачи претпочитаат физички искуства, што ја прави „фигиталната“ стратегија ефективна бидејќи ги реплицира интеракциите во продавницата на интернет преку директен ангажман, персонализирани препораки и виртуелни проби. Интуитивните искуства за онлајн-купување значително ги подобруваат ангажманот и задоволството на поврзаните купувачи, имитирајќи ги едноставноста и персонализацијата на интеракциите во продавницата. Овој пристап им помага на бизнисите да постигнат повисоки стапки на конверзија и лојалност од купувачите преку ефективно и ефикасно купувачко искуство. Крајниот резултат за бизнисите е пораст на приходите и конкурентска предност во дигиталните малопродажни средини.