Познати брендови се здружија против „Фејсбук“

„Унилевер“, „Старбакс“, „Кока кола“, „Херши“, „Хонда“ се меѓу повеќето од 100 големи светски компании кои почнаа да го бојкотираат „Фејсбук“ и ги повлекуваат сите нивни реклами од таа и платформата на Инстаграм во сопственост на истата компанија.

Кампањата „Stop Hate for Profit“ ги повика големите компании во Европа да се приклучат на бојкотот. Организаторите на кампањата за бојкот велат дека ова станало глобално и велат дека тие водат битка за да го зголемат притисокот за да го отстранат говорот на омраза што се шири на „Фејсбук“.  Потоа повеќе од 160 компании потпишаа дека ќе престанат да плаќаат за реклами на најголемата платформа за социјални медиуми во светот за јули.

Годишно, „Фејсбук“ генерира 70 милијарди американски долари од продажба на реклами, а околу една четвртина паѓа на големите компании.