Во јули во Белград ќе се одржи најголемиот балкански вински натпревар

Најголемиот балкански вински натпревар-BIWC(Balkans International Wine Competition) ќе се одржи од 15 до 17 јули. 

Одлуката во Софија ја соопштија организаторите на натпреварот, што оваа година првпат ќе се одржи надвор од главниот град на Бугарија. Уште се во тек пријавите од винариите за натпреварот, кој во минатите осум години стекна репутација на најважно винско оценување на Балканот. 

Освен оценки од судиите за пријавените вина, ќе биде одржана и дегустација за увозниците и дистрибутерите од Србија, од Балканот и од целиот свет. Овој настан е закажан на 17 јули, а организаторите најавија дека тоа ќе биде одлиќна прилика да се пробаат вината испратени на натпреварот.