Струмица доби dm дрогерија

Вратите на првата dm дрогеријата во Струмица беа отворени на 10 септември, на булеварот Климент Охридски, бр. 51, во рамките на трговскиот центар „Уан стоп шоп“ (One stop shop).

Новиот продажен објект на dm е со вкупна површина од 450 м², од кои од 375 м² се продажен простор, а 75 м² – магацински простор и помошни простории.

Дрогеријата располага со асортиман од над 14.500 производи, од кои повеќе од 4.000 се од приватната  трговска марка на dm. На денот на отворањето посетителите беа услужувани на 4 каси, додека во редовното пазарување активни се две каси.

Покрај големите попусти што траеја 4 дена, на денот на отворањето посетителите беа пречекани со позитивна атмосфера со ди-џеј. Дел од остварениот промет од денот на отворањето, во износ од 150.000 денари, беше дониран во хуманитарни цели на Заводот за заштита и рехабилитација „Бања Банско“ од Струмица.

Работното време на оваа дрогерија е од понеделник до недела од 10 до 22 часот.

Синџирот dm во Македонија е присутен со 18 продажни објекти, од кои 12 се во Скопје и по еден објект има во Тетово, Велес, Куманово, Штип, Битола и Струмица.