„Теско“ овозможува дополнување на јогуртот, сокот, кечапот....

Најголемиот британски трговски синџир, „Теско“, воведе невообичаен новитет за своите купувачи. 

Трговецот покрена проект чија цел е да го намали фрлањето пластична амбалажа. Затоа, им овозможува на муштериите да дополнат продукти купени во пакување за повеќекратна употреба, како што се сокови, јогурт, кечап и слично. 

Првично, дополнувањето е можно само по пат на онлајн нарачки. Ако Британците добро реагираат на овој проект, постапката ќе биде можна и во физичките продавници, пренесоа британските медиуми.