Србија: Почнуваат со работа кафулињата, рестораните и јавниот превоз

Во рамките на ублажувањето на мерките донесени за спречување на корона вирусот, од денес повторно почнуваат со работа рестораните и кафулињата.

Исто така, почнува да функционира и меѓуградскиот и железничкиот превоз на патници, а во одредени градови и јавниот градски превоз.

Трговските центри треба да се отворат на 8 мај, а градинките ќе почнат со работење од 11 мај.

До укинувањето на полицискиот час, што е можно да трае до крајот на следната недела, на сила се секојдневните ристрикции за движење кои траат од 18 до 5 часот наутро.

Рестораните и кафулињата може да почнат со работа со тоа што на отворено мора да се држи физичка дистанца и да се користат заштитни средства, а во затворените простори, исто така треба да се почитуваат мерките за дистанца и заштита што важеа и претходно за затворени простори.

Освен задолжителното носење на заштитна опрема треба да се почитува социјалната дистанца, затоа ќе се влегува на една врата, по принципот еден по еден.