Talk in Business

Talk IN Business – Можност за автентични и традиционални производи

12 авг 2016
 
 

Можност за автентични и традиционални производи

Во Македонија постојат поволни климатски услови и длабоки корени во традицијата за создавање вкусни и далеку познати сирења, што се одлични услови за развивање на млечната индустрија. Но, компаниите во Македонија се соочуваат со многубројни проблеми, како недостиг од сурово млеко, болеста јазлеста кожа и со многу други дополнителни предизвици, кои секојдневно се појавуваат. Сепак, и покрај тоа, многу од нив успеваат да се издигнат над сите проблеми и со помош на добро воспоставените вредности, да го издвојат својот производ од конкуренцијата.

Седмата интерактивна Talk IN Business конференција, посветена на категоријата млеко и млечни производи, се одржа на 30 јуни, во Скопје. Свое излагање имаше Светлана Колариќ, државен советник за храна во Агенцијата за храна и ветеринарство. Таа ги пренесе основните начела за безбедност и за квалитет на млекото и на млечните производи, како и законските обврски за нивно означување. Освен тоа, таа нагласи дека многу земји, како Шпанија, Италија и Франција, имаат заштитено многу производи. Според неа, и во Македонија постоиголем потенцијал за развој на автентичните видови од оваа категорија: Производството на сирење од непастеризирано млеко, од географски заштитени области, ќе ги задржи традиционалниот квалитет и вредноста на производот, што претставува значајна додадена вредност.

Можноста за афирмација на домашните производи ја истакна и Сања Стругаревиќ од „Ниелсен". Според податоците од оваа истражувачка агенција, карактеристично за категоријата млеко и млечни производи е тоа што потрошувачите ги претпочитаат локалните брендови. Таа додаде дека потенцијал за македонските млекарници е континуираниот извоз на македонското сирење.

Калина Медаровска од БРИМА го анализираше профилот на консументот на млечните поткатегории. Според податоците од истражувањето, од оваа категорија во земјава најредовно се консумира сирењето (51 отсто од учесниците се изјасниле како редовни консументи), следуваат јогуртот (45 отсто), кисело-млечни производи (41 отсто), млекото (38 отсто), а кашкавалот има најмал процент на редовни консументи (27 отсто).

Повеќе од четириесет учесници од компаниите и од институциите имаа можност да разменат искуства и мислења и заеднички да најдат решение за подобро работење. Присутни беа претставници од: Агенција за храна и ветеринарство, „Агро Илмлек", „Битолска млекара", „Бучен Козјак", „Вита нова", „Витаминка", „Денар дисконт", „Здравје Радово", „Јока", „Колид С тим", „Лакталис", „Мајкрософт" – Македонија, „Млекара Делчево", „Млекара Ѓорѓиеви", „Млекара Хит 73", Организација на потрошувачи, „Рептил", РСМ и „Текстил".

Спонзори на настанот се „Мајкрософт" – Македонија и РСМ, а конференцијата се одржува во соработка со Амбасадата на Хрватска во Македонија, „Нилсен" и со БРИМА.



@InStore.mk
Крадењето авторски текстови е казниво со закон. Преземањето авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. 


Слична содржина



Talk IN Business - Средства за домашна хигиена

16 сеп 2016

Трендови: Познавањето на потрошувачот е клуч за иновативност

16 сеп 2016

Talk IN Business - Уникатна приказна за единствено доживување

16 сеп 2016

Talk IN Business - Иновацијата создава блага предност

16 сеп 2016

Talk IN Business - Направете го потрошувачот среќен

16 сеп 2016

Трендови: Современите текови на месната индустрија

16 сеп 2016
Вчитува уште новости...