Се јавува недостиг од јаглероден диоксид

Претставници на повеќе американски организации од индустријата за храна и за пијалаци предупредуваат дека е намалено снабдувањето со јаглероден диоксид (CO₂) од фабриките за етанол поради Ковид-19, што може да доведе до недостиг од храна и пијалаци.

CO₂ е од витално значење за обработка, пакување, конзервирање и испорака на многу прехранбени производи, а се користи и за производство на пијалаци – пиво, газирани пијалаци и газирана вода.

Прелиминарните податоци што ги достави Здружението за компримиран гас (Compressed Gas Association) покажуваат дека производството на CO₂ се намалило за 20% од 7 април, а се прогнозира пад на производството од 50% до крајот на месецов.

Организациите тврдат дека неможноста да се гарантира снабдувањето со CO₂ ќе доведе до забавување на производството на храна и на пијалаци и оти недостигот на крај ќе доведе до намалени количества од потребните производи.

Извор: foodbev.com