Дигитална иновација во „Алберт Хеин“

По успешно спроведениот пилот-проект, „Алберт Хеин“ ја отвори првата продавница без каси во медицинскиот центар во Амстердам, а втората ќе биде отворена во централната станица во истиот град.

Трговецот почна со експериментирање на новата технологија Tap to go во декември минатата година. Системот ги скенира електронските ознаки за производите на полиците, кои се интерактивни со картичките Albert Heijn. Со допир со картичката врз ознаката, потрошувачот го регистрира производот, го внесува во својата дигитална кошничка, го зема и го плаќа преку апликација на мобилниот телефон.

Tap to Go ќе биде применета во сите 80 објекти на трговецот од форматот „to go convenience“.