„Данон“ го претстави асортиманот Просто наше во Украина

По повод 24 август, Денот на независноста на Украина, „Данон“ објави дека од пазарот го повлекува рускиот бренд Простоквашино и лансира нов украински бренд – Просто наше.

Од млечната компанија наведуваат дека новиот бренд е уште еден симболичен чекор кон зајакнување на идентитетот и автентичноста на украинското производство.

Во секоја смисла, почнувајќи од формата и содржината до секој идентитетски елемент на пакувањето, брендот Просто наше ги покажува вредностите за кои се залага, изјави Андреј Полиектов, маркетинг-директор на „Данон“ – Украина.

Палетата вклучува млеко, кефир, ријажанка (традиционално ферментирано млеко), павлака и свежо сирење. Сите производи ќе се произведуваат во фабриката во Кременчук, а за суровина ќе се користи млекото од блиските фарми.