„Пепсико“ го претвора искористеното масло во биогориво

„Пепсико“ почна пилот - проект за претворање на повеќе од 40.000 литри искористено масло во хидрогенизирано растително масло во фабриката за грицки во Бургос.

Хидрогенизираното растително масло е 100-процентно биогориво на база на зеленчук, кое „Пепсико“ ќе го користи за камионите што ги транспортираат производите. Процените се дека компанијата годишно ќе заштеди 380 метрички тони CO₂.

Уште еден нов пилот-проект на „Пепсико“ е лансиран во соработка со шпанскиот синџир супермаркети „Диа“. Станува збор за транспорт со камиони со две приколки, кои имаат капацитет да превезуваат до 6 тони грицки одеднаш.