„Унилевер“ ја зголеми прогнозата за продажбата

„Унилевер“ ја зголеми прогнозата за продажбата за оваа година, откако го направи најголемото покачување на цените во својата историја во услови на неконтролирана инфлација.

Компанијата сега очекува нејзините приходи од продажба оваа фискална година да се зголемат за повеќе од 8%, додека претходно очекуваше раст да биде во опсег од 4,5% до 6,5%. Гигантот го објави ова откако објави подобар од очекуваниот трет квартал. Сепак, групацијата објави дека обемот паѓа – знак дека купувачите почнуваат да се фокусираат на своите основни трошоци. „Унилевер“ ги зголеми цените за 12,5% во последниот квартал, што е негов најголем пораст досега и седми по ред квартал со повисоки цени.

Но, потрошувачите стануваат повнимателни и „Унилевер“ продаде помалку артикли. Дополнителен пад на обемот се очекува во четвртиот квартал од годината, бидејќи купувачите се упатуваат кон супермаркетите со поевтини производи. Според тоа, оперативната маржа годинава ќе падне за 16%. Сепак, компанијата очекува маржата да се зголеми во 2023 и 2024 година преку зголемување на цените, намалување на големината на пакуваните стоки и намалување на трошоците.