„Амазон“ се шири во Италија

Американскиот онлајн трговец „Амазон“ отвора две нови локации во Италија до крајот на оваа година, во Новара и во Модена.

Амбициозниот план предвидува вработување на 1.100 работници во следните три години.  

На денот на отворањето, бројот на вработени ќе биде 9.600, објавија од компанијата. Се очекува дека новите локации ќе почнат со работа од есенва. Инвестицијата е вредна 230 милиони евра.

Новите објекти ќе ги исполнуваат сите еколошки стандарди, соопштија од „Амазон“, кој во последните 10 години во Италија вложи 5,8 милијарди евра.