Пиварницата „Лашко“ продаде дел од производството

Најголемата словенечка пиварница „Лашко“ ја продаде производствената единица за безалкохолни пијалаци „Витал Местиње“ на локалниот производител на алкохолни и безалкохолни пијалаци, компанијата „Дана“. 

Сумата за која љубљанската пиварница, која е 100 отсто во сопственост на холандската пиварница „Хајнекен“ го продаде својот дел од производството, уште не е објавена. 

Купопродажниот договор не е потпишан, но треба да се исполнат неколку услови пред неговата финализација, соопштија од „Лашко“. 

Компанијата „Дана“ е основана во 1955 година и еден од најголемите производители на пијалаци во Словенија.