„Виолета“ вложува 10 милиони евра во „Ласта“

Петар Ќорлука, новиот сопственик на фабриката за кекси „Ласта“ потврди дека е завршен процесот на преземање на оваа фабрика. 

Како што истакна, за обнова и оспособување на производството според стандардите кои ги бара ЕУ, планира да вложи 10 милиони евра.

Секако, најважно ми е „Ласта“ да го врати оној бренд што го имала. Во производство ќе се вложат максимален труд и пари за да добиеме врвни производи. Погоните и состојбата во кои се наоѓа фабриката не ги задоволуваат стандардите за производство на храна и првите потези се обнова на кровот, ѕидовите, подовит., изјави Ќорлука. 

Тој додава дека во забрзан процес се преговорите за обнова со нови технологии и машини.

По обновата ќе распишеме конкурс за работници и целта ни е да го ангажираме локалното население кое знае и сака да работи. Морам да ја истакнам поддршката и од партнерските фирми, како што е „Фереро Рошер“ и „Барила“ кои ќе ни помогнат со своето знаење и искуство, истакна Ќорлука.