Хрватска: Во маркетите ќе се наплаќаат лесните најлонски ќеси за овошје и зеленчук

Раководителката на секторот за управуаање со отпад во хрватското министерство за животна средина, Сања Радовиќ, изјави дека од 1 јануари следната година во Хрватска ќе се наплаќа такса за лесни најлонски ќеси кои вообичаено може да се најдат во одделите за овошје и зеленчук во продавниците.

Лесните најлонски ќеси отсега ќе мора да бидат означени со пораката „Користете ги ќесите умерено“, за да се поттикне свеста за одговорна употреба, а од 1 јануари ќе се воведе задолжителна наплата за овие ќеси. Трговците ќе треба да се погрижат цената на овие ќеси да биде јасно истакната и да не можат да се продаваат на касите, изјави Радовиќ.

За цената на овие ќеси трговците сами ќе одлучуваат бидејќи цената не е однапред пропишана.

Во оваа прилика, Министерството за економија и одржлив развој ги повика граѓаните при купувањето од Нова година да користат свои платнени торби или други предмети за пакување на производите.

 Почнувајќи од 1 јануари 2022 година, во Хрватска е забрането пуштање во промет на лесни пластични ќеси со дебелина до 50 микрометри, со тоа ќе може да се употребуваат  лесни пластични ќеси потенки од 15 микрометри, кои се се користат  од хигиенски причини или како примарна амбалажа за храна на големо, најчесто овошје и зеленчук.

Покрај тоа, пластичните ќеси за повеќекратна употреба подебели од 50 микрометри сè уште може да се користат и продаваат бидејќи повторената употреба помага да се спречи отпадот.

Извор: Seebiz

Фото: Pexels