„Пепсико“ покренува образовна програма за 100.000 вработени

„Пепсико“ покренува образовна програма наречена „Мое образование“ (myeducation) со која ќе им овозможи на повеќе од 100.000 вработени во САД да ги развијат своите вештини и кариерите да ги насочат во друг правец.  

Програмата ќе им овозможи пристап на вработените до 100 флексибилни програми за едукација и усовршување во неколку училишта и универзитети. КОмпанијата ќе ги покрие сите трошоци за книги и школарини за широк спектар програми. Програмата е осмислена во партнерство со „Гуилд еџукејшн“, американска платформа за образование и усовршување и поттикнува посветеност кон компаниската стратегија пеп+ (Пепсико Позитив). 

Во „Пепсико“ сакаат ова да биде начинот на кој ќе создадат раст и одржливост во сите сегменти, од производство до испорака. 

Како што се менува работната сила, „Пепсико“ е посветен да им осигура на нашите соработници да растат заедно со компанијата, не само во корист на нашата организација, туку и да ја изградат и поддржат заедницата во која работиме. Со влогот во целни програми за усовршување, можеме да помогнеме да се обезбеди работна сила за иднината, соопштија од „Пепсико“.