„Подравка“ потпиша договор за стратешко партнерство со „Маринада“

Во петокот „Подравка“ потпиша договор за стратешко партнерство со мостарската компанија „Маринада“, со која хрватскиот прехранбен гигант соработува во сегментот индустриско производство на домати и друг зеленчук.

Како што известија од мостарската компанија, „Подравка“ ќе го преземе целосното водење и управување со процесите на земјоделско производство во Херцеговина. Тоа подразбира координација на работата на задругите и другите заинтересирани што произведуваат индустриски домати и друг зеленчук.

Договорот го потпишаа Лилјана Шапина, членка на управата на „Подравка“, и Маја Марушиќ, директорка на „Маринада“.

„Подравка“ гради фабрика за преработка и складирање на овошје и зеленчук произведени во регионот Херцеговина, на периферијата на Мостарско Блато, меѓу Мостар и Широки Бриег.