Сертификат „Фер со потрошувачот“ за „Здравје Радово“, „Жито Леб“, „МИК Свети Николе“....

Млекарницата „Здравје Радово“, месарницата „МИК Свети Николе“, „Жито Леб“, Семафор (ТОП маркет), „Аграр Ко“ ДООЕЛ, фирма за трговија и производство на антипасти од конзервиран зеленчук и производство на оцет, ДОО „Бисерка“, специјализирана продавница за месо,преработки од месо, месни и млечни производи, и ДОО „Голем извор“ - маркети се меѓу 45-те компании кои добија сертификат „Фер со потрошувачот“.  

Сертификатот им се доделува на компании со јасно дефинирани правила за заштита на безбедноста и здравјето на потрошувачите, со фер пазарни практики и спогодбено решавање поплаки и спорови, на оние кои ја штитат приватноста на потрошувачите и се грижат за влијанието на производите врз животната средина.

Сертификацијата на компаниите е финансирана од Европската Унија во рамки на проектот „Партнерство меѓу граѓанското општество и деловниот сектор – развивање иновативен модел за мобилизација на финансиски средства“, што го спроведуваат Организацијата на потрошувачите (ОПМ) и Асоцијацијата „Зенит“. Настанот се одржа завчера во хотелот „Александар Палас“. 

Целата листа на сертифицираните компании можете да ја видите тука.