Поместен датумот за „Пиволенд“

Поради големото невреме што го зафати Скопје и околината, како и најавите за невреме во деновите што следуваат, организаторите на „Пиволенд 2022“ го преместија датумот за почеток на пивскиот фестивал.

Новиот датум за почеток на „Пиволенд 2022“ ќе биде од 3 септември (сабота), а настанот ќе трае до 7 септември (среда).

Како што информираат организаторите, промената во датумот довела и до промена на програмата кај музичките изведувачи.

Годинава „Пиволенд“ ќе понуди програма со повеќе од 50 артисти во текот на петдневниот настан, над 100 видови пиво и забава. Средствата од продадените брендирани маички и кригли ќе бидат наменети за здружението „Во мојот свет“.