(ГАЛЕРИЈА) Нов модерен „Кам“ во Прилеп

Во саботата (18 декември) „Кам“ го отвори новиот и модерен маркет на површина од 420 квадратни метри во Прилеп.

Локацијата на овој маркет, чие отворање беше проследено со акции на различни производи од асортиманот на „Кам“, е на улицата Андон Слабејко, бр. 33 Д/1. Освен богат избор на свежи продукти, во овој маркет има и пекарница, во која постојано се печат свежи печива.

Посетителите на овој маркет ќе може да уживаат во сите поволности што ги нуди пазарувањето. Не е случајно што „Кам“ и годинава, петти пат по ред, е избран како префериран маркет за пазарување од страна на потрошувачите според истражувањето на независната агeнција „Инсајдер ИД“, изјавија за InStore од „Кам“, додавајќи дека забрзаната експанзија е очигледна и најавувајќи уште две отворања до крајот на годината.