Производите на „Слога Пром“ во нови пакувања

Производите од палетата замрзнато месо на „Слога Пром“ имаат нови, модерно дизајнирани пакувања.

Како што информираат од компанијата, производите сега имаат нов визуелен идентитет, со амбалажа специфична по боја и дизајн, што овозможува секој потрошувач лесно и брзо да го одбере производот што му е потребен.

Со новиот дизајн на пакувањата, компанијата се оддалечи од индустрискиот изглед што преовладува кај овој вид производи на пазарот, додавајќи повеќе бои и модерен дизајн, на кој не сме навикнати за месото и производите од риба. Новата амбалажа е со исклучителен квалитет и издржливост при ниски температури, бидејќи ниската пропустливост на топлина и светлина е особено важна за замрзнатите производи, соопштуваат од „Слога Пром“.

Од компанијата додаваат дека новиот дизајн е одговор на животните навики на потрошувачите, кои постојано се менуваат: Како и во секоја друга индустрија, така и во прехранбената, важно е дизајнот на пакувањата постојано да се развива за да ги разбере новите трендови и процеси во областа на одржливоста, технологијата и производството, истовремено земајќи ги предвид желбите и афинитетите на потрошувачите.