Нов „Ер Гроз“ во Сарај

Вчера (22 декември) беше отворен новиот објект „Ер Гроз“, кој е вториот по ред маркет на оваа трговска компанија.

Новиот „Ер Гроз“ се наоѓа во скопската општина Сарај, на улицата 20, бр. 69. Се простира на продажен простор од 650 квадратни метри и има дополнителен магацински простор од 450 квадрати. Бројот на наплатни каси е 3, а за услугата се грижи персонал од вкупно 15 вработени.

Маркетот располага со околу 12.350 прехранбени и непрехранбени артикли.

Се надеваме дека ќе бидеме беспрекорен сервис за нашите купувачи и ќе ги оправдаме нивните очекувања, пред сѐ, со квалитетна понуда, услуга на највисоко ниво и со дефинитивно дисконтни цени, изјавија за InStore од „Ер Гроз“.

Ова е втор објект под името „Ер Гроз“. Првиот е лоциран кај Јаја Паша во Чаир, на улицата Цветан Димов, бр. 84.