„Амазон“ отвора канцеларии во Хрватска

Е-гигантот „Амазон“ отвора претставништво во Хрватска, во кое се очекува дека ќе бидат вработени околу 50 луѓе.

Веќе две години компанијата се подготвува за официјалното отворање канцеларии во Хрватска, а сега конечно се исполнети условите за почетокот на тој голем проект. Веста е потврдена на веб-страницата на „Амазон“, каде што беше објавено дека се отворени работни места.

Компанијата моментално бара експерти и инженери за проектирање и одржување на облак-инфраструктура. Засега ќе бидат вработени 15 луѓе, а според „Јутарњи лист“, конечната бројка се очекува да достигне до 50.

Преку подружницата „A1000 роу инк.“, „Амазон“ како пилот-проект отвори претставништво во Хрватска под називот „Амазон дата сервисис“. Минатата година претставништвото оствари промет во вредност од 270 милиони динари.