Игор Ќика: РФИД-технологија во магацинското работење

РФИД е систем на далечинско испраќање податоци со помош на РФИД-предавател (таg) и РФИД-читач (терминал за декодирање, проверка и за испраќање на информации од компјутерскиот систем).

Освен РФИД-предавател и РФИД-читач, во секој РФИД-систем мора да постои и РФИД-компјутер (host), како што е прикажано на слика 1.

РФИД-тегнологија и магацинското работење

РФИД-решенијата во магацинското работење се базираат на обележување на транспортните единици (најчесто палети, кутии и сл.) при прием на стоката – на влез во складиштето, и читање на тие ознаки во текот на комисионирањето и при излез од складиштето.

На тој начин се обезбедува контрола на влез, при манипулација и на излез на стоката од складиштето (слика 2).
Слика 2: РФИД-технологија и магацинско работење
 

Подобрување на перформансите на процесот

• Точност на испораката (нарачано – испорачано);
• Брзина на испорака (време поминато откако купувачот доставува официјално барање до моментот на испорака на стоката до купувачот);
• Неоштетеност на стоката во текот на транспортот.

• Подобра (просторна) организација на магацините;
• Подобра анализа на повратената стока;
• Подобро познавање на однесувањето на потрошувачите поради постојаното следење;
• Подобро управување со лесно расипливата стока;
• Подобро следење и пронаоѓање на неусогласеностите;
• Поефикасна контрола поради зголемување на точноста на информациите;
• Почитување на FIFO (first in – first out) и принципите FEFO (систем/метод/принцип за управување со стоката според рокот на траење (first expired - first out);
• Намалување на трошоците за човечка работа;
• Оптимизација на залихите;
• Оптимизација на рутата за комисионирање;
• Подобра заштита од кражба, загуба на производ или фалсификување.

Оваа технологија најде примена и во изработката на биометриските документи и на патничките легитимации. РФИД-технологијата, од основното решение за идентификација на објектите, се развива во систем што денес ни овозможува да ги идентификуваме, лоцираме и да ги контролираме саканите објекти, но со одредени ограничувања. Во иднина од оваа технологија се очекува да стане „поинтелигентна", со комбинирање на сензори и на напредни технологии како виртуелната стварност и информативно-комуникативните технологии за далечинско управување.