„Шпар“ ја отвори првата продавница во Гана

Трговскиот синџир „Шпар“, со повеќе од 13.000 продавници во 48 земји ширум светот, ја отвори својата прва продавница во Гана. 

„Шпар“ во Африка веќе е присутен со 1.055 продавници, распоредени во Боцвана, Камерун, Намибија, Нигерија, Замбија, Зимбабве, Египет, во Јужноафриканската Република...Овие земји сочинуваат 16 отсто од прометот на продавниците на овој трговски синџир, или тоа е 37,2 милијарди евра од годишниот приход од продажбата. 

Во последните три години, „Шпар“ се прошири на 12 нови пазари. Доаѓањето во Гана не е за изненадување, бидејќи економските проценки се дека оваа земја е една од најбрзо растечките економии во Африка.