Свет

„Амазон“ руши рекорди, Безос се збогати во кризата

03 јул 2020

Нето-вредноста на имотот на основачот на „Амазон“, Џеф Безос, достигна нова рекордна вредност од 171,6 милијарди долари, по порастот на цената на акциите на „Амазон“ поради преминувањето на милиони потрошувачи на е-трговијата за време на пандемијата. 

Акциите на „Амазон“ пораснаа за 4,4 проценти на рекордни 2.878,70 долари, зголемувајќи го богатството на нејзиниот основач на 171,6 милијарди долари. Ова е повеќе од рекордните 167,7 милијарди долари од септември 2018 година, според индексот за милијардери на „Блумберг“.

Повеќето милијардери со најголем профит неодамна се исто така дел од технолошкото милје. Меѓу нив е извршниот директор на „Тесла“, Илон Маск, кој додаде на своето богатство 25,8 милијарди долари од 1 јануари годинава, како и основачот на „Зум видеокомуникации“, Ерик Јуан, чиешто богатство речиси се удвои и изнесува 13,1 милијарда долари.

Сите милијардери не профитираа од кризата предизвикана од коронавирусот, забележува „Блумберг“. Амансио Ортега, сопственик на модниот бренд „Зара“, изгуби 19,2 милијарди долари, претседателот на „Беркшир Хатавеј“, Ворен Бафет, остана без 19 милијарди долари, а францускиот тајкун на луксузна стока, Бернард Арно, изгуби 17,6 милијарди долари.



@InStore.mk
Крадењето авторски текстови е казниво со закон. Преземањето авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. 


Слична содржина



„Волмарт“ ќе ги продолжи разговорите за „Асда“

28 јул 2020

Русија сака да ги контролира цените во малопродажбата

28 јул 2020

Американската економија потона за рекордни 33 проценти

28 јул 2020

Австрија во „рецесија од историски размери“

28 јул 2020

Германскиот БДП го допре дното

28 јул 2020

„Карфур“ заштеди 480 милиони евра во првата половина од 2020 година

28 јул 2020
Вчитува уште новости...