„Баерсдорф“ лансира бренд за тетовирана кожа

Компанијата „Баерсдорф“ лансираше свој, целосно нов бренд по повеќе од 30 години. Станува збор за линија кремови за тетовирана кожа. 

Линијата Skin Stories е во продажба од крајот на септември. Таа содржи репаративен балзам за нови тетоважи, стик за заштита од сончање и дневен лосион за тело. 

Линијата е лансирана во период кога производите за масовна употреба, како што е Nivea, губат популарност меѓу младите генерации потрошувачи, кои фаворизираат природни состојки и нови производи. 

Од „Баерсдорф“ соопштија податоци според кои денес еден од петмина Германци има тетоважа. Половина од таа популација се жени на возраст од 25 до 34 години. 

Skin Stories е производ на иновативната единица која во „Баерсдорф“ беше промовирана во јули, со цел да развива нови брендови и да ги засилива постоечките брендови, како што се Labello, 8X4 и Hidrofugal.