„Перно Рикар“ претстави четбот за одговорно пиење

Групацијата „Перно Рикар“ лансираше „месинџер четбот“ за промовирање на одговорното консумирање на алкохол, преку интеракција со корисниците и со одговарање на нивните прашања.

The Wise Drinking chatbot е интергриран со „Фејсбук месинџер“, а пристапот до него може да се направи директно или преку фејсбук-страницата на компанијата. Тој е способен да го мери нивото на алкохол кај поединци, преку проценка на нивните одговори на прашања поврзани со потрошувачката на пијалаци и храна.

Корисниците, во реално време, може да добијат информации за влијанието на алкохолот врз поединци врз основа на нивниот пол и на други фактори. Можат да се добијат и совети за најдобрите начини за превоз, врз основа на споделената информација за консумираното количество алкохол.