„Веитрос“ инвестира повеќе од милијарда евра во развој на мрежата

Трговецот објави дека планира да инвестира повеќе од 1 милијарда евра во нови и во постојните продавници во следните пет години.

Како што се наведува во соопштението на компанијата, планот е отворање до 100 нови продавници, како и реновирање на 150 продавници низ Велика Британија.

Како дел од инвестицијата, овие продавници ќе добијат нови производи и услуги како брза испорака преку платформите Deliveroo и Uber Eats.

Во претходните години, ја градевме основата за да можеме сега да се фокусираме на пораст преку нови продавници и да обезбедиме квалитетни услуги и производи за потрошувачите. Во дизајнирањето на новите продавници, одвоивме време да разбереме како потрошувачите сакаат да купуваат и го искористивме ова знаење за да воведеме нови концепти кои ќе бидат тестирани и пуштени во употреба на национално ниво, рече Џејмс Бејли, извршен директор на „Веитрос“.