ТикТок покренува платформа за е-трговија

ТикТок во почетокот на август во САД ќе покрене платформа за е - трговија за продажба на стоките произведени во Кина, објавија американските медиуми. 

Апликацијата за кратки видео - записи ќе настојува да го повтори успехот на кинеските платформи за купување „Шејн“ и „Тему“ и ќе биде одговорна за складирање и испорака на артиклите во име на производителите и трговците во Кина, пренесе „Ројтерс“.  

Овој потег доаѓа во момент кога ТикТок се соочува со засилен надзор од американските институции поради загриженост за безбедноста на податоците на корисниците. Компанијата се бори да ја спречи забраната во САД, откако беше претставен закон со кој на администрацијата на претседателот Бајден би се дало овластување да ги забрани апликациите кои потенцијално имаат ризици за безбедноста. 

Извор: Biznis.rs
Фото: Pixabay