СТО: Глобалната трговија се очекува да порасне за 1,7 отсто во 2023 година

Според прогнозите на Светската трговска организација (СТО), глобалната трговија со стоки ќе порасне за 1,7 отсто во 2023 година, забавувајќи од минатогодишниот раст од 2,7 отсто.

Во извештајот „Глобална трговска перспектива и статистика“ се наведувадека војната меѓу Русија и Украина, постојаната инфлација, построгата монетарна политика и неизвесноста на финансиските пазари ќе го намалат растот на светската трговија со стоки. СТО ја ревидираше својата проекција нагоре од претходната проценка од еден процент минатиот октомври, благодарение на кинеското укинување на ограничувањата за пандемијата на Ковид-19, што се очекува да ја ослободи затворената побарувачка на потрошувачите во земјата, а за возврат да ја поттикне меѓународната трговија.

Растот на трговијата во 2022 година падна под очекувањата од 3,5 отсто поради повисоките глобални цени на суровините, заострувањето на монетарната политика за да се скроти инфлацијата и нарушувањата во Кина поради мерките за корона.

Во 2024 година, растот на трговијата се проценува дека ќе се забрза до 3,2 отсто, бидејќи БДП се зголемува на 2,6 отсто, соопшти Светската трговска организација.