„Перно Рикар“ ги надмина очекувањата за профитот и продажбата

Во второто полугодие од 2022, „Перно Рикар“ оствари профит и продажба подобри од очекувањата, со помош на зголемување на цените на клучните пазари - кинескиот и американскиот. 

Гигантот за пијалаци, кој ги поседува коњакот Martell, шампањот Mumm и вотката Аbsolut, соопшти дека профитот од тековното работење во шест месеци до 31 декември лани достигна 2,423 милијарди евра, што е органски пораст од 12 отсто додека очекувањата на аналитичарите беа пораст од 8,2 отсто. 

Продажбата изнесуваше 7,116 милијарди евра во првата половина, што претставува органски раст од 12 отсто во споредба со очекувањата на аналитичарите за зголемување од 9,7 отсто. 

Фискалната година на „Перно Рикар“ почна на 1 јули.