„Хенкел“ ќе ги интегрира домашната хигиена и негата за убавина во едно

„Хенкел“ ги објави плановите да ги интегрира своите бизниси за перење и домашна нега и средства за нега на убавина во „една платформа со повеќе категории“, за која извршниот директор Карстен Кнобел вели дека ќе му овозможи на бизнисот „уште поконзистентно да го оптимизира портфолиото“.

Комбинираниот бизнис, кој ќе биде познат како Henkel Consumer Brands, ќе може да се пофали со продажба од околу 10 милијарди евра, додадоа од компанијата.

Групацијата го објави потегот кога го објави и зголемувањето од 7,8% во групната продажба за финансиската 2021 година, на 20,1 милијарди евра, додека оперативниот профит е зголемен за 4,2% на 2,7 милијарди евра.