Тужба за „Волмарт“ поради издавање лекови

Американското министерство за правда поднесе тужба против малопродажниот синџир „Волмарт“, тврдејќи дека во продавниците незаконски се издавани строго регулирани медикаменти, вклучувајќи и опиоиди, кои докторите ги препишуваат на рецепт.

Министерството бара малопродажниот гигант да биде казнет со милијарда долари.

Од друга страна, „Вoлмарт“ тврди дека вработените ја вршеле својата должност и издавале лекови што на луѓето им ги препишувале овластени лекари. Во октомври минатата година компанијата превентивно поднесе тужба против Министерството за правда и Агенцијата за борба против наркотици, очекувајќи правна битка.