InStore ја објави „Мапа на трговци“-реакциите се одлични

Излезе од печат специјалното изданието „Мапа на трговци“ на магазинот InStore, издавач „Кликер маркетинг“. 

Изданието веќе го имате на Вашите бироа - првичните реакции се дека „Мапа на трговци“ е одлична  и дека податоците во неа се многу корисни за работењето на компаниите во FMCG секторот. Изданието можете да го видите тука. 

„Мапа на трговци“ е пионерски чекор на македонскиот пазар. Ја прикажува комплетната слика на малопродажниот сектор во земјава, преку поединечно претставување на трговците низ повеќе параметри, со информации за нив и дополнителни анализи за нивното работење. 

Во „Мапа на трговци“ се објавени релевантни анализи на пазарот – малопродажни објекти по формати, број на објекти на трговците, регионална покриеност, приходи, број на SKU-а, информации за приватни трговски марки. Извори на информациите се трговците, приватната база на податоци „Бизнис мрежа“ и истражувачките агенции: „Нилсен“, „Индаго“, „Фокус марктфоршунг“, „Инсајдер ИД“, „Еуромонитор“, „Делоит“, „Ипсос“, „Биснод“, „Оливер Вајман“ и „Либенсмител цајтунг“. Истражувањата покажуваат дека македонските потрошувачи трошат и до 250 евра месечно за производи од FMCG-секторот, а 30 отсто од производите се продаваат во КА. Ова значи дека малопродажбата во Македонија има простор за модернизирање и премиумизација, задоволувајќи ги трендовите и потребите на новите генерации. 

Успешни изданија на „Мапа на трговци“ имаа и регионалните редакции на InStore во Србија и во Хрватска.

Специјалното издание го дистрибуиравме до целокупниот малопродажен сектор во земјата, во тираж од 4.000 примероци.

Благодарност од InStore и од „Кликер маркетинг“ до сите наши соработници со чија помош ја подготвивме „Мапа на трговци“ и до сите компании што ја препознаа можноста да се претстават во изданието. Посакуваме сите заедно да имаме уште подобри резултати во следното издание в година!