Анализи

„ЛЗ ритеалитикс“: Последиците од влезот на „Алибаба“ на европскиот пазар

13 ное 2019

Кинескиот гигант за е-трговија со напредно знаење влегува во континентална Европа, каде што онлајн-трговијата со прехранбени производи сè уште е во зародиш, а на некои пазари дури и се бори за опстанок.

Пишува: Ранјан Мејер, малопродажен аналитичар во „ЛЗ ритеалитикс“

Компанијата „Алиекспрес“, која е во сопственост на групацијата „Алибаба“, ја отвори првата физичка продавница во Мадрид. Шпанија е порта на кинескиот е-трговец кон Европа – по САД и по Русија „Алибаба“ најмногу работи на шпанскиот пазар.

Новоотворената продавница го следи т.н. „new retail“ концепт, односно работи како изложбен простор, а нарачките се прават преку интернет. Продавницата се простира на 749 квадратни метри и нуди околу 1.000 производи од повеќе од 60 бренда.

Што се случува?

„Алибаба“ е најголемата кинеска онлајн-компанија и една од најголемите во светот по продажба. Според извештаите на компанијата, нејзиниот пазар на е-продавници се проширил на 674 милиони активни потрошувачи годишно, од кои најголемиот број се во Кина.

Компанијата достигнала продажба во износ од 16,7 милијарди долари во кварталот што заврши во јуни 2019 година, што претставува зголемување за 42% во споредба со претходната година. Истовремено, „Алибаба“ соопшти и дека има намера да гради логистички центар во Белгија, на површина од 380.000 квадратни метри, кој би требало да стане оперативен во 2021 година.

Која е „Алибаба“?

Кинескиот гигант за е-трговија со напредно знаење влегува во континентална Европа, каде што онлајн-трговијата со прехранбени производи сè уште е во зародиш, а на некои пазари дури и се бори за опстанок.

Експертизата на „Алибаба“ вклучува и трговија со прехранбени производи. На домашниот пазар работи преку форматот продавници „Хема Хипо фреш“, концепт кој се карактеризира со наплата без каси и со роботизирани ресторани на главното продажно место. „Хема Хипо фреш“ можеби и не би била најсоодветна опција за посакуваната група потрошувачи во Европа, но укажува на фактот дека концептот на овој играч е извонреден во споредба со локалните малопродажни компании.

„Алибаба“ би можела да стане главна закана за продавниците што се специјализирани за електроника, со оглед на тоа што во моментов тоа е една од нејзините главни категории во Европа.

Што значи тоа?

Главниот конкурент на „Алибаба“ на кинеска површина – „Џингдонг мол“ (Jingdong Mall, т.е. JD.com), јавно изјави дека има намера да се натпреварува со „Амазон“ на глобално ниво (најпрвин во Франција, па во Велика Британија и во Германија). Овој трговец има намера да го развива т.н. „borderless retail“ концепт, кој е сличен со концептот „new retail“ на „Алибаба“, односно ги комбинира онлајн-податоците со физичките трговски капацитети. Со оглед на тоа што „Алибаба“ го направи првиот чекор, голема е веројатноста дека и JD.com наскоро ќе тргне по тие стапки, со соодветна стратегија. На домашниот пазар и двете компании имаат многу сличен пристап.

Истовремено, би можеле да се случат и потенцијални здружувања во Централна и во Источна Европа. Во Русија, „Алибаба“, „Меил.ру“ (инвестициска компанија специјализирана за интернет-компании) и „Мегафон“ (телекомуникациска компанија) веќе формираа заедничко вложување (joint venture).

Што е следно?

Отворањето на првата физичка продавница веројатно е дел од поголемиот план. „Алибаба“ почесто се декларира како технолошка компанија или како провајдер на услуги отколку како чист трговец. Компанијата е еден од најсофистицираните колекционери на податоци за потрошувачите.

За почеток „Алибаба“ – Европа најверојатно ќе се фокусира на категориите што се покажале дека најдобро се продаваат. А, кога ќе ја добие довербата од потрошувачите, го очекуваме потенцијалот за воведување и на други категории.

Иницијално, компаниската севкупна европска стратегија најверојатно е насочена кон кинеските купувачи и туристи, како и на внесување повеќе европски производи на кинескиот пазар.



@InStore.mk
Крадењето авторски текстови е казниво со закон. Преземањето авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. 





Се вчитува следна вест...